NUVIN ... نووڤین

نووڤــــــــین ... سـلاڤه‌که‌ ، ژ بـاژاره‌کێ هـه‌لوه‌شایی ... وگـه‌ریانه‌که‌ ، ل دویف ئـه‌ڤینه‌کا وندا ! ...

مالـپه‌ر پـه‌یوه‌ندی فۆنتی کوردی


NÛVÎN

جوان حاجو ~ دووری


April 29, 2005

NÛVÎN

جووته‌ی ئاشق

شیعری ئوكتاڤیۆ پاز

(شاعیر و نووسه‌ری مه‌كزیكی و خه‌ڵاتوه‌رگری نۆبێلی ئه‌ده‌بیات له ساڵی 1990 دا)

وه‌رگێڕانی: ناسری سینا

جووته‌ی ئاشق

پیاوێك و ژنێك.

پرته‌خاڵ ده‌خۆن و ماچ ده‌گۆڕنه‌وه.

وه‌ك شه‌پۆلان، شه‌رمی خۆیان ده‌گۆڕنه‌وه.

جووته‌ی ئاشق له رۆخ زه‌ریا ڕاكشاون.

پیاوێك و ژنێك.

لیمۆ ده‌خۆن و ماچ ده‌گۆڕنه‌وه.

وه‌ك هه‌وره‌كان، پێستی له‌شیان ده‌گۆڕنه‌وه.

جووته‌ی ئاشق له ژێر خاكا راكشاون.

پیاوێك و ژنێك.

چ ناڵێن و یه‌كدی ماچ ناكه‌ن.

بێده‌نگی به بێده‌نگی ده‌گۆڕنه‌وه.




February 09, 2005

فیستیڤالی کورته‌ فیلمی کوردی له‌ هه‌ولێر. NÛVÎN

ـ نووڤین




December 24, 2004

NUVIN

دوو چیا...

ئه‌ڤیندارێن یه‌ك بوون

لێ ب هه‌ڤ نه‌دگه‌هشتن

بریار دان

ڤۆلكان په‌قی

له‌وا

هه‌ر دوو د ئه‌ڤینێ دا حه‌لیان .

ـ نووڤین




December 02, 2004

( ... ... )

سه‌ردار که‌لاری

نازانم چی یه ئه‌مشه‌و

شعرم بۆ دێ

دلم ده‌فرێ

لێره‌وه‌ بۆ لای تۆ دێ

مره‌که‌ب ووشه‌که‌

لێله‌ تاریکی شه‌و

بۆیه‌

پێنووس ماته‌

ئاخۆ بنووسێ؟

له‌ بێ تۆییدا

دونیا له‌ من زیندانه‌

له‌ دوریتا

فرمێسکی سور

هه‌ر وه‌کو بارانه‌،

لی بنووسم

چی باس که‌م

چی هه‌ل رێژم

ئه‌مشه‌و له‌ دلمدا

غه‌م چیای هه‌ورامانه‌،

خۆشی کوا له‌ دوای سۆزی تۆ

چی بکه‌م به‌ مالی دونیا

دوور له‌ بالای تۆ

هه‌ر ساتێکی ژینی غه‌ریبی

داستانێکه‌

ده‌زانی چی یه‌ حالم

ئاخۆ بۆ تۆ،

ئه‌ی ئه‌و که‌سه‌ی

له‌جیاتی گشت که‌سم

من له‌ تۆ زیاتر

که‌سی تر ناناسم

به‌ قوربانت بێ

خۆم و هه‌ر چیم هه‌یه‌

دل و جگه‌ر و هه‌ناسه‌م،

خه‌لکی لۆمه‌م ده‌کا

ده‌لێنی چی یه‌ دایه دایه؟

من ده‌پرسم

ئاخۆ ده‌زانن

چی یه دایه دایه؟!

که‌سه‌

ماله‌

خاکه‌

نیشتمانه‌

ژینه‌

مردنه‌

دایکه‌ چاکترین ره‌حمه‌تی خوایه.




November 24, 2004

NÛVÎN

ئه‌ڤه‌ ده‌مێ کۆچکرنێ نزیک بوو ... ئه‌ز دێ کۆچکه‌م و تو ژی دێ کۆچکه‌ی ... ئایا دێ ل داویی گه‌هینه هه‌ڤ؟ نزانم! ... ژبه‌ر وێ چه‌ندێ نا په‌یڤم، نابێژم ... ته‌نێ دێ بێده‌نگ بم ... تو دزانی ئه‌ز ژ ته‌ ێی فێری بێده‌نگیێ بوویم‌ ... ئاخر، من گه‌له‌کا گۆتی ... و گه‌له‌کا مایی ژی بێژم ... هه‌ر جاره‌کا من هاواری ته‌ دکر ... و هه‌زاره‌ها پرسیار من ژ ته‌ دکرن ... به‌رسڤا وان هه‌ر بێده‌نگی بوو.

رێکا من یا دووره‌ ... و چیرۆکێن من لافاوا بسه‌رده‌ هاتی ... یێت بووینه‌ یادگار ژ به‌ری خه‌ندقاندنێ ... دکه‌نه‌ هاوار ... و که‌س ب هاوارێ ناێت، چونکه‌ هاواره‌کا بێده‌نگه‌! نێرینێت من ره‌شبایێ یا لێدای و پێشا خوه‌ هه‌ر نابینیتن ... و ێت بووینه‌ پێکه‌نینێت زارۆکان ... و هه‌ر بێده‌نگی یه‌! شه‌ڤخوه‌شکێت من، ێت بووینه‌ داستانه‌کا ناموویی، ژبه‌ری ب داویی بێت، چاڤ دنڤن ... و داستان بێده‌نگ دبیت ... و هه‌ر بێده‌نگی یه‌! ل باژارێ من سه‌رهه‌لدده‌ن و رادبنه‌ڤه‌ و هه‌لدوه‌شن ... و هه‌ر بێده‌نگی یه‌! په‌یڤێن من، ل من ئالۆز دبن ... و من به‌ره‌ف ئاسۆیه‌کێ بێده‌نگ دبه‌ن ... و هه‌ر بێده‌نگی یه‌! خه‌ونێت من شه‌ڤێ دسۆژینن و شه‌ڤ خه‌ونا دکوژیتن ... و هه‌ر بێده‌نگی یه‌! نامووبوون پرچا ره‌ش سپی دکه‌ت، دوه‌شینیتن و دایکێ دکوژیت ... و هه‌ر بێده‌نگی یه‌!

بێده‌نگی ... بێده‌نگی ... هه‌ر بێده‌نگی یه‌!

ئه‌ڤه‌ ده‌مێ کۆچکرنێ نزیک بوو‌! و کارێ کۆچێ من کری ... ڤێ جارێ، دێ کۆچکه‌م و خاترێ ناخوازم ... لێ، دێ پرسیارا که‌مه‌ ڤه‌ ... بۆچی یا بێده‌نگی؟!

ـ نووڤین




November 20, 2004

NÛVÎN

ئه‌و ده‌مه‌کێ درێژ بوو من دخواست ، دگه‌ل ته‌ بپه‌یڤم ... لێ هه‌رده‌م تو یا دوور بووی ، من هه‌ست دکر ، تو دخوازی هه‌را دوور بی ژمن ، ئه‌ڤ هه‌ستێ من وه‌ها دکر ئه‌ز زوو زوو ل ته‌ نه‌ پرسم ...

پشتی چاڤه‌رێیه‌کا هه‌را درێژ ، به‌ری چه‌ند رۆژه‌کا ده‌ما من ده‌نگێ ته‌ بهیستی، ئه‌ز پێ گه‌له‌ک شاد بووم، باوه‌ربکه‌ وه‌سفا شاد بوونا من ناهێته‌ کرن ... ته‌نێ دکارم بێژم: ته‌ تێ بیرا، ده‌ما هه‌ر من دخواست گوهـ بده‌مه‌ خه‌مێن ته‌؟! ته‌ تێ بیرا، چاوا من دخواست هه‌ر لگه‌ل ته‌ دا په‌شدار ببم؟! ته‌ تێ بیرا، ده‌ما من دخواست به‌حسا دلداریێ بکه‌م؟ لێ ته‌ نه‌ دهشت! ته‌ تێ بیرا، چاوا من دخواست ته‌ بگرنژینم و به‌حسا مه‌لا مه‌شهوره‌یێ 2004 بکه‌م؟! ته‌ تێ بیرا، چاوا من ژ خۆشیی ئاگا ژ خوه‌ نه‌ما بوو؟! و هه‌ر بهنه‌کێ من به‌حس ل تشته‌کێ دکر؟! ته تێ بیرا، ده‌ما چه‌ند سانییه‌کا ته‌ ئه‌ز ب ته‌نێ هێلایم، و هاتی ڤه‌ و من پرسیار ژ ته‌ کری، مه‌ به‌هسا چ دکر؟! ته‌ تێ بیرا ...؟! ته‌ تێ بیرا ... ؟!

خاتینا من، ده‌ما من خاتر خواستی، و تو دوور بوویه ڤه‌، من دخواست ڤه‌گه‌رم و بێژمه‌ ته‌: ئه‌ز حه‌ژ ته‌ دکم !!!

ـ نووڤین



November 17, 2004

NÛVÎN
• ئه‌ڤینا دلێ من

• مه‌جید شوکری

ده‌نگێ دلۆپين بارانێ

خه‌ریبییا ته‌

شه‌ڤێ دکوژن

خه‌وێ دسۆژن

ئه‌ز و جامه‌ک و کاغه‌زه‌ک

هه‌تا سپێدێ نڤێژا بۆ هاتنا ته‌ دکه‌ین

نڤیژا بۆ دیتنا ته دکه‌ین

و سپێدێ زوی

دبیته‌ پارچه‌ ئاوازه‌کا

تژی ژیان

تێکه‌لی ده‌نگێ بچویکا دبی

هه‌ر سێدێ زوی

دبیته‌ گولاڤا بارانێ و

بێهنا ته‌ دناڤ خوینا من دا و

ناڤێ ته‌ دناڤ دلێ من دا

خۆ ڤه‌دشێرن

هه‌تا دوێرن

ل هنداڤ خابیره‌کێ بێ خه‌م

بیرهاتنێن مه‌، ڤه‌دگێرن .